amghnas1
عدد الرسائل : 20
تاريخ التسجيل : 16/03/2007
 | موضوع: Amnoes ------  السبت أبريل 07, 2007 10:02 am | |
|  Izri uriri
Ari a utcma ari
ari ij izri
huma ataysid di ticri
cam gha yawyen
ghar tya n tziri
ari:
s abaddi amazwar
ighas n tmijja ad yaghri
su sorif amazwar
ad zarzagh taghyuri
sudmen di titawin ino ariri
arrin ussan ino d adjyari
ad aysen tagh tmassi
mara nac idaghd tghuri
amcubbac d amanghi
mara nac sufghaghd iri
mara annigh ramrac ughir
arabbi waxfi thyuri
ad accan amziwan ifri
nihnin aksen mazri
nac t3attu xfi tazri
ari a utcma ari
ari ij izri
huma ataysid di tcri
cem gha yawyen
ghar tya n tziri
Ari, ari...
************************************************** **
Hucima d Nador
Tawmat n Hucima d Nada
xsen as imazagan at amsabda
mac har ghattek tag arxada
iwen tinahen su maddada
mac har ghayak u3rar nes
yarabbu di tsuda
mac har ghayak ur nes
tifaqqah xas d raqnada
tasghat nes em wazghat em yida
qa nes taqda iccit u gharda
aqqat day wem ay baghriwan
anhaf abriwan, huma tawmat at nahda
at snem tharyast uriyzim
isi u Mazian d Abed krim
3ammas at wda
ur n Hucima d Nada
3ammas natta ed ibda
************************************************** *********
Aghambub u qadduh
Marra min dnajja iruh
ghar ayadid ughambub uqadduh
inni zaynagh ighrin di djuh
nanasen awar anwam wa itfuh
suya idwaa mis n Muh
izwa x tafrawt Doduh
wanni iqqiman arrint d amaqjuh
amu ixas bu qayyuh
agharabu annagh inadhit uqaffuh
************************************************** *********
Ifriqiya
Ifriqiya wi cem yarrin d ijen tiya
Ag aysum nnem amziwan nahcen
Ihaggan ag ixsan nnem tmarcen
ajanna nnem yazwagh yabbarcen
tarwa nnem uzghan harcen
trajan es nawcen ad accen
Ifriqiya wi cem yarrin d ijen tiya
Inni cem inadhen marra di qaddacen
Ufin cem tuzghad
Isind tqabut adayem hadcen
Ufin cem tasqad
aggin ifiran itarwa nnem ad mcubcen
aggin cem darqad
huma ragunus axem dahcen
sarawren aytbet nnem
huma twajar axem warcen
Ifriqiya wi cem yarrin d ijen tiya
ragha ad karen aryazen
azedjif n'trefsa at adzen
inni cem yaccin ahen ghazzen
inni cem yucan ahen rabzen
marru amarzag at afzen
s ighes nnem yarzen
ad azren x inni cem izzanzen
Huma em ganfen iwazwizen
Ifriqiya wi cem yarrin d ijen tiya
ifusiyyen qanas asneg ammu
izermaden qanas asneg amya
in mind ghayinigh ucanem tya
marra twaren cem tqarmad
ura d ijen wayenni menawya
tamara xwa3rer nnem tanya
imattawen xu ghambub nnem tarya
uzzar x iri nnem izayya
tamzi nnem tmetta daghya daghya
Ifriqiya, ifriqiya...
Wi cem yarrin d ifri uqiya.
************************************************** *****
Tudat u amatlu3
tarzag tudat ino ta3du marro
tarrigh arhar xatzayet du garro
yamma diha takker xafi tatro
ihanjan trajan ad rughagh su barro
manis amma akigh di tmura al euro
qarn ayi affagh ammis muro
ad wragh ghar tmat ino n duro
ayd aksen din bo ruro
tugh tzadjit d waysi n wuro
snagh ajanna ino wa itaro
tudat ino wa tassin djwaro
ur n dunact yuzagh d azro
Ta, tabrat ino a itmaa
siwad mait gha ralla yamma
aromi di taddat annes ihamma
nec tasmad ad ayi tqamma
daregh s racwaghad tatsagh x tsima
bnadem an da di ha trima
nac i azrin a yamma
aman dadra uzrumma
nac i azrin a yamma
xramwaj tudat d axma
nac i azrin a yamma
mamec isermen cin a itma
nec I azrin a yamma
x ijdi mutant isma
nac i azrin a yamma
mamec asapanio da inagh iyamma
Wahcagh cem
wahcagh asnanni nem
arhad nem, anbay nem
ashinnab nem, aghimi akidem
wahcgh cem aralla yamma ino
tugha fud nem
tsunta ino
abahror nem
dadduri ino
mani cem gha yafagh a yamma ino
nac iwaddan di tmat u sayno
am Yussef dayi tamsar raxxu
an danayi imazagen u gano
************************************************** **********
Hulandaa taqaddact
Meni gham dusin
tugha cem tazubact
faden cem, zun cem tanuwact
ufin cem tqarmad tahammct
Isin cem dweren nem taghact
tanid asen sezwamd tarwa nwem
qa xsegh ad irigh taqarqact
raxxu meni tghamyed tanuwact
tasekkad xasen ta3ajjact
taxsed atan tagged tadahact
iwa ammu..
a hulanda taqaddact
************************************************** ***
Tagrawla n wughrum
di tagrawla n wughrum
an ghin ayi ammi
an ghin ayi yadji
awazwiz nsen yazdagh ugadji
gharwem sug sendef
ak nnew yar timadji
tamment ak imiziden
ak imarzagen war ighadji
issen nican nican
awar annes war izadji
di tagrawla n wughrum
an ghin ayi ammi
an ghin ayi yadji
ajjudjen di beba
am waghar iyadji
************************************************** **
Xsagh ad asnagh
Tan ayi t'hanjat:
xsagh ad asnagh,
mayami dayi arrin tanagat
mayami xafi gin
ahaggar ghar tawat
xsagh ad asnagh
wid ijjin ajanna
wid ijjin tmart.
In ayi:
ghari ca n thasghat?
ghari ca fus di tudath?
ghari ca sorif x thmat?
xsagh ad asnagh
wid ayi natyen di tgharghat
wi arzin afar n tsukat
wid isghamyen xafi tazugat
wi xafi arabbun tasdat
wi aqnan iri ino ghar tamrat
wi iharyan ur ino x thsyat
xsagh ad asnagh
tan ayi t'hanjat
**************************************************
Ca ad ca
Ca gharas ajanna as tan3ashin itruca
ca gharas azadjif as taghyuri ibuca
ca iznuza ca
ca idwar i umas di rfax d akacca
ca nadyen as s macca
ag 3abbud n traca
ca ittet rbaca
ca ittet aqca
mani tanawju al kolira ghar adca
ca cardant s arica
ca cardant s armanca
ca zi ait cica
nan assen taekkimd abrid n Habaca
ca di addin ittaca
ca x arkasi yarca
ca ag mas3an itaca
ca s maqranin yacca
ca s faqqah iquca
ca s a3mud idduhca
ca inad hiten ij arbaca
ghars aghambub 3in kruca
icca Tuca, icca Akca
wassent yajji ura d atqaca
maca,
mara nanna ca
atnag, atnag..
assa nigh tiwaca
************************************************** ***
Nunja d wAfdis
takked Nunja zati Afdis
iggas ij aghammiz
ca idduqqaz akis udubbiz
asaqqir wani wannad ni
issaw ihnini ino agammiz
As taghact iggas amarriz
ittaf tazra Afdis
acatghir dij ayarziz
aghambub iwagh izzidjiz
indramd tram x Afdis
isra iagarra3 n ifis
iqnuni x wa3rar d a3addis
yudafd ghar babes itaqdiddis
yufit iccat sabsi
iwarrac am aghiras xu ghazzis
“ewa dawred a ibris
ajjighd abuhari, tghir ayi mighis”
< a babe , a babe..
Nunja tag ayi ag ur aqassis >
“ma nacin am nih nin a ibris
Nih nin tsaran su yis
ifassen tcancu nen s alwiz
tuffad tcamma nsen u 3addis
nacin issizgh anagh araffis”
s uzzar iwwan iqqad mis
s arcur issaw as aghazzis
tusad atfak yammas n Afdis
is munit amziw akis
mani tanqar tfuct x adcar
afghand ihanjan s aqwar
issin ag ghannij azirar
`Nunja d wAfdis
arawran xu yis
Nunja d wAfdis
arawran su yis'
**********************************************
Tabrat annagh
snagh am tasnad tabrat annagh atawad
aticara u hanjar, a tamghat ad amghar
sadu car a tiyma a tamghar
a tsaymi taryast tzammar
d anagh ghayarren di durar
snagh am tasnad tabrat annagh atawad
a tadwar d ighas n tmijja
I inni inghin rafja
marra min azrin di tarja
axas tak su amja
attar d attidat
min ghanagh tihuja
snagh am tasnad tabrat annagh atawad
atarzu x ca imadran
mani s nuffan
taryast u amjahad amaqran
a taxbac ag idurar n iyssan
ataf ca ixsan
tugha yen tfawt n ussan
snagh am tasnad tabrat annagh atawad
************************************************** ***********
Amxumber n tudat
wanni yaghrin,
zaydant ghar u jammadin
wanni ghadja tzammar
n dyanas tixacfin
wanni yessaghan tfawt
ghzin as tisarfin
tamenzit n tawmat
tsukka tiqasfin
wanni isxarqan
ucin as aragh ticnifin
eeh ya tudat da naghd ajjin
wanni d nasga33ad
axanagh yassiwar
ccinas adjji
ginas tiqadduhin
iddarghar xanagh
wacca nazmas tittawin
Su zir
yarazzu xannagh sfawin
eeh ya tudat da naghd ajjin
Inni ghar idjja ujanna icattad s n3acin
gin qazzu ak tmura timattarin
tcamar d razzat
tsebhen s maqranin
mera tnid cfa s 3affanin
axak sanhazzen tighardin
eeh ya tudat da naghd ajjin
tamzi n tmart inu
t rakkur di tgharrabutin
ijdi u sappanio
idawras ti madrin
bu ifaddan izzar
itsaxar xas bu tfaddin
eeh ya tudat da naghd ajjin Pour les ecouter : www.irifien.com/modules/mydownloads | |
|
